काठमाडौं । सञ्चारकर्मी रवि लामिछाने निर्दोष भएको चितवन जिल्ला अदालतले फैसला गरेको छ ।
आज भएको बहसपछि केहीबेरअघि न्यायाधीशहरुले फैसला सुनाउँदै सञ्चाकर्मी लामिछाने तथा अर्का पत्रकार युवराज कँडेल निर्दोष रहेको ठहर गरिएको छ । फैसलामा सञ्चारकर्मी रवि लामिछाने तथा अर्का पत्रकार युवराज कँडेल शालिकराम आत्महत्या प्रकरणमा निर्दोष रहेको ठहर गरिएको हो । यद्यपि फैसलाको पूर्ण पाठ भने आउन बाँकी छ ।
लामिछाने र कँडेलमाथि पत्रकार शालिकराम पुडासैनीको आत्महत्या दुरुत्साहनको अभियोगमा चितवन जिल्ला अदालतमा मुद्दा चलेको थियो । प्रहरीले पक्राउ गरी हिराशतमा राखेर मुद्दा दर्ता गरेपछि सञ्चारकर्मी लामिछाने र पत्रकार कँडेल धरौटीमा रिहा भएका थिए ।
