काठमाडौं । नेपाल धितोपत्र बोर्डले नयाँ कम्पनीहरुलाई ब्रोकर लाइसेन्स दिने घोषणा गरेको छ । बोर्डका नवनियुक्त अध्यक्ष भिष्मराज ढुंगानाले बुधबार पत्रकार सम्मेलनको आयोजना गरी नयाँ कम्पनीहरुलाई लाईसेन्स वितरण गर्ने जनाएका छन् ।
अध्यक्ष भीष्मराज ढुङ्गानाले नयाँ कम्पनीहरुलाई कमोडिटिज एक्सचेञ्जको लाइसेन्स चाँडै बाँड्ने बताएका हुन् । बैंकलाई ब्रोकरको लाइसेन्स दिने प्रक्रिया नेप्सेमा अल्झिरहेको बेला तथा आधा दर्जन ब्रोकर कम्पनीले लाइसेन्स माग गर्दै बोर्डमा निवेदन दिएको अवस्थामा नवनियुक्त अध्यक्ष ढुंगानाका यस्तो भनाई सार्वजनिक गरेका हुन् ।
बोर्डले छ महिनामा गरेको कारोबारको समीक्षा गर्न आयोजित पत्रकार सम्मेलनमा अध्यक्ष ढुंगानाले पुँजि बजारको नियमनमा कडाई गर्ने बताएका छन् । उनले छ महिनाको कारोबार मिश्रित रहेको भन्दै बीमा तथा लघुवित्त कम्पनीहरुको हकप्रद शेयरका कारण पुँजि बजार अझै फराकिलो भएको बताए ।
समीक्षा अवधीमा नेप्सेमा सुचिकृत कम्पनीको संख्या २१२ पुगेको छ । गत साउनदेखि पुस मसान्तसम्ममा कूल ३२ अर्ब ५१ करोड रुपैयाँको धितोपत्र कारोबार भएको बोर्डले जनाएको छ । समीक्षा अवधीमा गत आवको तुलनामा २.८ प्रतिशतले कारोबार घटेको देखिएको छ ।
छ महिनाको विवरण।
