काठमाडौं । वित्तशास्त्रका एक जना विज्ञलाई भारतले राजदूत बनाएर काठमाडौं पठाएको छ । भारतले वित्तशास्त्रका शोधकर्ता विनय मोहन क्वात्रालाई राजदूत बनाएर काठमाडौं पठाएको हो । वित्तशास्त्रका एमफिल गरेका क्वात्रा अमेरिका र भारतको अर्थराजनीतिका रणनीतिकार मानिन्छन् ।
सन् २०१० देखि तीन वर्ष अमेरिका, दुई वर्ष क्यानाडामा भारतको तर्फबाट रहेर आर्थिक रणनीति बनाएका क्वात्राले पछिल्लो दुई वर्ष भारतीय प्रधानमन्त्री नरेन्द्र दामोदरदास मोदीसँग बसेर समेत काम गरेको खुलेको छ ।
नेपाललाई रणनीतिक महत्वका साथ हेर्ने भारतले यस पटक अर्थक्षेत्रका विज्ञलाई राजदूत बनाएर पठाउनुले आर्थिक दृष्टिकोणबाट नयाँ रणनीति अघि बढाउन खोजेको देखिएको छ ।
