काठमाडौं । आइतबार अपरान्ह फिलिपिन्समा शक्तिशाली भुकम्प गएको छ । प्राकृतिक जोखिमका सबैभन्दा शक्तिशाली मानिएको भुकम्पको कारण पुगेको क्षतिको विवरण आउन बाँकी छ । स्थानीय समय अनुसार १४ः१२ बजेको समयमा भुकम्प गएको हो ।
भुगर्भ सम्बन्धी अमेरिकी संस्था युसजिएसका अनुसार फिलिपिन्सको पोब्लालिन भन्ने स्थानलाई केन्द्रबिन्दु बनाएर ६ दशमलव ८ रेक्टर स्केलको भुकम्प गएको हो । २२ किमी गहिराईमा गएको भुकम्पका कारण कम क्षति पुगेको अनुमान गरिएको छ ।
भुकम्पको कारण कैयौं घरहरु भत्केका छन् । घरहरु भत्किँदा कैयौं मानिसहरु घाइते भएको समाचार बाहिर आएको छ । यद्यपि भुकम्पको कारण विद्युत सेवा अबरुद्ध भएको तथा सञ्चार सम्पर्क बिच्छेद भएका कारण कठिनाई भएको अन्तर्राष्ट्रिय सञ्चार माध्यमहरुले जनाएका छन् ।
