काठमाडौं । साताको शुरुदेखि लगातार नेप्से परिसूचक घटेको छ । आज पनि साताको चौथो दिन नेप्से सामान्य अंकले घटेको छ । शेयर बजारमा नेप्से परिसूचक १ दशमलव ६५ अंकले घटेर १,१२८ दशमलव ३४ को विन्दुमा कायम भएको छ ।
बैंकिङ र ट्रेडिङ बाहेक सबै उपसूचक घटेका छन् । सबैभन्दा धेरै जीवन बीमा समुह ३० अंकले घटेको छ । यता, सेन्सेटिभ इन्डेक्स पनि ० दशमलव २५ अंकले घटेको छ ।
आज दिनभरिमा १ सय ६५ कम्पनीको १० लाख ९७ हजार ९ सय २० कित्ता शेयर ५ हजार ३ सय २८ पटक खरिदविक्री हुँदा ३० करोड ३७ लाख रुपैयाँका कारोबार भएको छ । सबैभन्दा धेरै एनएमबि बैंकको ३ करोड ५४ लाख रुपैयाँको कारोबार भएको छ ।
त्यस्तै, नेपाल बैंक र नबिल बैंकको २ करोडमाथिको कारोबार भएको छ । प्राइम कमर्सियल बैंकको १ करोड २२ लाख रुपैयाँको कारोबार भएको छ । प्रभु बैंकको ९० लाख रुपैयाँको कारोबार भएको छ ।
आज सबैभन्दा धेरै साल्ट ट्रेडिङका लगानीकर्ताले ९ दशमलव ९७ प्रतिशतका दरलेकमाएका छन् भने सबैभन्दा धेरै राधी हाइड्रोपावरका लगानीकर्ताले ६ दशमलव ६६ प्रतिशतले गुमाएका छन् ।
