काठमाडौं । नेपालमा सञ्चालनमा रहेको सबै म्युचुअल फण्डहरु घाटामा सञ्चालित छन् । हाल नेपालमा १४ वटा म्युचल फण्डहरु सञ्चालनमा रहेकामा १२ वटा म्युचल फण्डको बजार मूल्य प्रति ईकाई मूल्यभन्दा तल छ । हाल कारोबार भएका १२ वटा म्युचल फण्डहरुले १० रुपैयाँ प्रति एकाई मूल्य राखेर सर्वसाधारणका लागि निष्काशन गरेका थिए ।
शेयर बजारको मूल्यमा आएको निरन्तरको गिरावटका कारण हाल अहिले दोस्रो बजारमा कारोबारमा आएका म्युचल फण्डको मुल्यमा प्रति ईकाई मूल्यभन्दा कम हुन पुगेको हो ।
हाल दोस्रो बजारमा कारोबारमा आएका १२ वटा म्युचल फण्डमध्ये सबैभन्दा धेरै बजार मुल्य एनएमबी बैंकले सञ्चालन गरेको एनएमबी सुलभ इन्भेष्टमेन्ट फण्ड १ को रहेको छ । जसको बजार मुल्य ९ रुपैयाँ ६५ पैसा रहेको छ ।
त्यस्तै, सबैभन्दा थोरै बजार मुल्य एनआइबिएल प्रगति फण्डको रहेको छ । जसको बजार मुल्य ६ रुपैयाँ ५७ पैसा रहेको छ । उक्त मूल्य चुक्ता मूल्यका ३४.३ प्रतिशत गिरावट हो ।
कारोबारमा आएका म्युचअल फण्डको बजार मुल्यको यस्तो अवस्थाले गर्दा बजारमा आउने नयाँ म्युचल फण्डहरुलाई पनि प्रतिकुल असर पर्न सक्ने देखिन्छ । यही प्रशंगलाई हेर्ने हो भने हालै म्युचुअल फण्ड निष्काशन गरेको सनराइज म्युचुअल फण्ड अन्तर्गत सञ्चालन हुने सनराइज फर्स्ट म्युचुअल फण्डको इकाईमा माग गरेजति आवेदन पर्न सकेन ।
यसले म्युचुअल फण्डको युग सकिएको हो कि ? भन्ने प्रश्न उठेको छ । दास्रो बजारमा म्युचल फण्डहरुको बजार मुल्यमा आएको निरञ्तरको गिरावटले म्युचुअल फण्डप्रति नै आम सर्वसधारणको धारणा नकारात्मक बन्न पुगेको छ । सोही कारण म्युचुअल फण्डको भविष्य संकटमा परेको छ ।
नोट : असोज १२ गतेको बजार मुल्यको आधारमा तयार पारिएको रिपोर्ट
