काठमाडौं । इन्फिनिटी लघुवित्त वित्तीय संस्थाले आर्थिक वर्ष २०७५ /७६ को लागि लाभांश भोषणा गरेको छ । लघुवित्तले १५ दशमलव ७९प्रतिशत लाभांश दिने भएको घोषणा गरेको छ ।
कम्पनीको सोमबार बसेको सञ्चालक समिति बैठकले १० प्रतिशत बोनस सेयर र ५ प्रतिशत नगद लाभांस दिने निर्णय गरेको हो । साथै, बोनस सेयरमा लाग्ने कर प्रयोजनको लागि ० दशमलव ७९ प्रतिशत नगद दिने पनि भएको छ ।
लघुवित्तले २ करोड ७ लाख ४० हजार रुपैयाँ बराबरको बोनस वितरण गर्नेछ । त्यस्तै, १ करोड ३ लाख ७० हजार रुपैयाँ नगद बाँड्नेछ । १६ लाख ३७ हजार ३६८ रुपैयाँ कर प्रयोजनका लागि पनि छुट्टाइएको छ ।
सञ्चालक समितिको निर्णय अनुमोदनका लागि नेपाल राष्ट्र बैंक र आगामी वार्षिक साधारण सभामा पेश गरिनेछ ।
हाल लघुवित्तको चुक्ता पुँजी २० करोड ७४ लाख रुपैयाँ छ । बोनस वितरणपछि पुँजी २२ करोड ८१ लाख ४० हजार रुपैयाँ पुग्नेछ ।
