काठमाडौं । लाइफ इन्स्योरेन्स कर्पोरेशन (एलआईसी नेपाल) कोे अभिकर्ता, वजार प्रतिनिधि र एजेन्सी म्यानेजरहरुको राष्ट्रिय सम्मेलन काठमाडौंमा सम्पन्न भएको छ । यही भाद्र २६ र २७ गते काठमाण्डौमा सम्पन भएको सम्मेलनमा दशैभरिबाट छानिएका ११० एजेन्सी म्यानेजर र ४५० अभिकर्ताहरु गरी जम्मा ५६० जनाले सहभागिता जनाएको कम्पनीले जनाएको छ । कम्पनीमा आबद्ध ४४ हजार अभिकर्ताहरु मध्येबाट उत्कृष्ट कार्यसम्पादन मापदण्ड पूरा गरेकाहरु राष्ट्रिय सम्मेलनका लागि छानिएका थिए ।
अभिकर्ताहरुको क्षमता अभिबृद्धिका लागि भारतबाट आएका बीमा प्रशिक्षक विजयकुमार झाले विशेष प्रशिक्षण प्रस्तुत गरेका थिए । त्यस्तै कम्पनीका प्रमुख कार्यकारी अधिकृत एलपी दासले गत आबको व्यवसायिक समिक्षा गर्दै चालुु आबको लागि तयार गरिएका योजनाहरुको बारेमा प्रकाश पार्दै यस वर्ष अपनाइने रणनीतिका सम्बन्धमा अभिकर्ताहरुलाई प्रशिक्षण दिएका थिए ।
कार्यक्रममा आ.ब. २०७५/७६ का उत्कृष्ट १० जना एजेन्सी म्यानेजरका साथ प्रथम बीमाशुल्क आर्जनको आधारमा उत्कृष्ट तीन जना अभिकर्ताहरु अन्जन भण्डारी, पूर्ण वहादुर खडका तथा राधिका शिवाकोटी र बीमालेख बिक्री संख्याको आधारमा उत्कृष्ट तीन अभिकर्ताहरु किरण साह नायक, कामिनी देवी ठाकुर र रन्जना सिंहलाई शिल्ड तथा प्रशंसापत्रबाट सम्मानित गरिएको कम्पनीका सचिव विनोद कुमार भुजेलद्वारा शनिबार जारी बिज्ञप्तिमा जनाएको छ ।
