काठमाडौं । नेपालका पत्रकारहरुले लेख्ने समाचारको विश्वसनीयतामाथि समय समयमा प्रश्न चिन्ह उठ्ने गर्दछन् । अर्थमन्त्री डा. युवराज खतिवडाले पत्रकारहरुलाई कसैको चश्मा नबनी आफ्नो आँखाले समाज र देशको समाचार लेख्न आग्रह गरेका छन् । उनले नेपाली अर्थतन्त्रका बारेमा पनि पत्रकारहरुले आफ्नै आँखाले समाचार लेख्न आग्रह गरे ।
आर्थिक पत्रकारहरुको संस्था नाफिजद्वारा आयोजित कार्यक्रममा मन्त्री डा. खतिवडाले भने, ‘तपाईहरु आँखा हुनुस, चस्मा मात्रै नबन्नुस् । व्यवसायीक रुपमा काम गर्दै गर्दा मिडिया हाउसहरुका लागि काम गर्नुपर्छ र उहाँहरुकै चस्मा लगाईदिनुपर्ने हुन्छ । अनि त्यो चस्मा लगाउँदिन भन्दा तपाईहरुको सेवा असुरक्षित बनिदिन्छ । त्यसकारण चस्मा लगाईदिनेले पनि सोच्नुपर्छ की पत्रकारितामा व्यवसायीकता भनेको सरकारले मात्रै हुँदैन् र सरकारले तपाईहरुलाई रोजगारी पनि दिएको छैन् ।’
पत्रकारिताको विषयमा निकै गम्भिर अभिव्यक्ति दिएका अर्थमन्त्रीले भने ‘तर तपाईहरु जुन जुन मिडिया हाउसमा आवद्ध हुनुहुन्छ, तपाईँहरुले आफ्नो विवेक, न्यायिक मन र व्यवसायीक धर्म पालना गरेर पत्रकारीता गर्नुभयो भने मलाई लाग्छ आजको जोखिमपुर्ण पत्रकारीता नै त्यहि हुनेछ ।’
आर्थिक वृद्धि भएन भने रोजगारी, राजश्व, राज्यले दिने समाजिक सुरक्षा र पत्रकारहरुले पाउने पारिश्रमिक तथा स्वरोजगार मिडियाले पाउने विज्ञापन पनि प्रत्यक्ष असर पर्ने हुँदा पत्रकारिता पनि जिम्मेवार हुनु आफ्नै अस्तित्वको लागि पनि महत्वपूर्ण रहेकोब ताए ।
