शेयर बजारका लगानीकर्ताहरुले शेयर राफसाफ नगर्ने भएका छन् । दोस्रो बजारमा शेयर विक्री गरेपछि भौतिक रुपमा कार्यलयमा उपस्थित भई विवरण उपलब्ध गराउनुपर्ने लगानीकर्ताहरुको लागि यो अनलाइन यूगमा पनि कालो धब्बा भएको भन्दै यस्तो निर्णय गरेका हुन् ।
बजारमा लगानीकर्ताहरुका चार वटा संगठनहरुले सिडिएससीको पुँजीगत लाभकर गणना विधि अव्यवहारी भएको भन्दै कारोबार राफसाफ रोक्का गर्ने निर्णय गरेका छन् ।
चार वटा संगठनहरुमा छोटेलाल रौनियार नेतृत्वको नेपाल इन्भेष्टर्स फोरम, उत्तम अर्याल नेतृत्वको सेयर लगानीकर्ता संघ, सेयर बजार दबाव समुह र संरक्षणा चौधरीको संगठनले राफसाफ नगर्ने निर्णय गरेका हुन् ।
