कृषि विकास बैंकले निक्षेपको ब्याजदर बढाएर कर्जाको ब्याजदर घटाएको छ । बैंकले कर्जाको व्याजदरमा १ प्रतिशतले घटाएको छ भने निक्षेपको व्याजदरमा साविकको व्याजदरमा १ प्रतिशतले बृद्धि गरेको छ । बैंक सञ्चालक समितिको असार ४ को निर्णयानुसार असार ५ गतेदेखि लागू हुने गरी उक्त ब्याजदर हेरफेर गरेको हो ।
बैकिङ्ग बजारमा कर्जाको व्याजदर उच्च रहेको जन गुनासो आईरहेको अवस्थामा ग्राहकहरुको चाहना तथा जनगुनासोलाई सम्बोधन हुने गरी ब्याजदर परिवर्तन गरिएको बैंकले जनाएको छ ।
बैंकले निक्षेपमा ६ दशमलव ५० प्रतिशत देखि ९.२५ प्रतिशतसम्म ब्याज दिँदै आएको छ ।
