चौतारी लघुवित्त र आरम्भ माइक्रोफाइनान्स कम्पनी मर्ज हुने भएका छन् । काभ्रेको बनेपा केन्द्रीय कार्यालय रहेको आरम्भ माइक्रोफाइनान्स र रुपन्देहीको बुटवलमा केन्द्रीय कार्यालय रहेको चौतारी लघुवित्त एक आपसमा मर्ज हुन् लागेका हुन् ।
आज बुधबार दिउँसो १ बजे काठमाडौँको बुद्धनगरमा मर्ज सम्बन्धि सम्झौतामा हस्ताक्षर गर्ने भएका छन् । जानकारी अनुसार १ः१ को स्वाप रेसियोमा मर्ज गर्ने सहमति भएको छ ।
हाल आरम्भ माइक्रोफाइनान्सको चुक्ता पूँजी ६ करोड रहेको छ भने चौतारी लघुवित्तको चुक्ता पूँजी १८ करोड ६० लाख रहेको छ ।
मर्ज पछि बन्ने संस्थाको अध्यक्ष र सीइओ चौतारीको रहने छन् भने डेपुटी सीइओ आरम्भबाट आउने छन् । त्यस्तै मर्जपछि कम्पनीको नाम चौतारी आरम्भ लघुवित्त हुने जनाएको छ ।
