जलविद्युत लगानी तथा विकास कम्पनीले हकप्रद शेयर निष्कासन गर्ने भएको छ। कम्पनीको सञ्चालक समितिको बैठकले आफ्नो चुक्ता पूँजीको शतप्रतिशत हकप्रद शेयर निष्कासन गर्ने निर्णय गरेको छ । साधारण सभाबाट प्रस्ताव पारित भएपछि कम्पनीले हकप्रद निष्कासन गर्ने प्रक्रिया अगाडि बढाउने भएको हो । बैठकले गरेको निर्णय बमोजिम कम्पनीले आगामी साधारणसभामा हकप्रद निष्कासन गर्ने प्रस्ताव लैजाने जनाएको छ ।
गत वर्षको तेस्रो त्रैमासको वित्तीय विवरण अनुसार कम्पनीको चुक्ता पूँजी १० अर्ब रहे
को छ। तेस्रो त्रैमाससम्म कम्पनीले ६२ करोड ५५ लाख रुपैयाँ नाफा गरेको छ । कम्पनीले साबिक पूँजी बराबरकै हकप्रद निष्कासन गर्ने भएको छ। हकप्रद निष्कासनपछि कम्पनीको चुक्ता पुँजी २० अर्ब पुग्ने छ । कम्पनीमा सरकारको ८० प्रतिशत र अन्यको २० प्रतिशत लगानी छ । जलविद्युतको क्षेत्रमा लगानी गर्ने उदेश्यले सरकारले कम्पनीको स्थापना गरेको हो ।
