काठमाडौं । शेयर बजार आज सामान्य अंकले बढेको छ। नेप्से परिसूचक ६.६२ अंकले बढेर २६६४.१३ को विन्दुमा बन्द भएको हो।
बजार बढ्दा नेप्से उपसमूहमा रहेका ९ वटा समूह बढेका छन् भने ४ वटा समूह घटेका छन्। यो दिन होटल तथा पर्यटन समूह सर्वाधिक १.०७ प्रतिशतले बढ्दा उत्पादन तथा प्रशोधन समूहमा सर्वाधिक ०.६ प्रतिशतको गिरावट देखिएको छ।
आज बजारमा १४३ कम्पनीको शेयरभाउ बढेको छ भने १२२ कम्पनीको घटेको छ। यो दिन १४ कम्पनीको शेयरभाउ स्थिर बनेको छ।
बजारमा आज ५ अर्ब ६५ करोड रुपैयाँको कारोबार भएको छ। सर्वाधिक कारोबार ग्लोबल आइएमई बैंकको भएको छ।
आज शिखर पावर र रिभर फल्स पावरका लगानीकर्ताहरु मालामाल भए। यी दुवैको शेयरभाउ करिब ६ प्रतिशतले बढेको छ।
यसैगरी आज बेनी हाइड्रोपावरका शेयरधनीहरुले सर्वाधिक गुमाए। यो कम्पनीको शेयरभाउ ५ प्रतिशत बढीले घटेको छ।
