काठमाडौं । आज पनि शेयर बजार सामान्य बढेर बन्द भएको छ । आज नेप्से परिसूचक ४ दशमलव १२ अंकले बढेर २,५९९ को विन्दुमा कायम भएको छ । आज १०४ कम्पनीको शेयर मूल्य बढेको छ भने १६७ कम्पनीको शेयर मूल्य घटेको छ ।
आज दिनभरिमा ३५१ कम्पनीको १ करोड ३५ लाख ५३ हजार कित्ता शेयर किनबेच हुँदा ४ अर्ब ७३ करोड माथिको शेयर कारोबार भएको छ । आज सबैभन्दा धेरै घलेम्दी हाइड्रोको शेयर कारोबार भएको छ । आज यसको ३६ करोड ४७ लाख रुपैयााको शेयर कारोबार भएको छ । आउन्टेन इनर्जीको २५ करोड ९७ लाख रुपैयाँको शेयर कारोबार भएको छ । कुमारी बैंकको २५ करोड ३७ लाख रुपैयाँको शेयर कारोबार भएको छ ।
आज सबैभन्दा धेरै सगरमाथा जलविद्युतका लगानीकर्ताले कमाएका छन् । आज यस कम्पनीका लगानीकर्ताले १२ दशमलव ४४ प्रतिशतका दरले कमाएका हुन् । नेपाल लाइफ समृद्धि लगानी योजनाका इकाईधनीले ४ दशमलव ६२ प्रतिशतका दरले कमाएका छन् । एनआइसी एशिया ग्रोथ फन्ड २ का इकाईधनीले ४ दशमलव ५७ प्रतिशतका दरले कमाएका छन् ।
आज सबैभन्दा धेरै स्नो रिभर्सका लगानीकर्ताले गुमाएका छन् । आज यसका लगानीकर्ताले १५ प्रतिशतका दरले गुमाएका हुन् ।
