काठमाडौं । क्रेडिट रेटिङ एजेन्सी एएम बेस्टले नेपालमा हालै आएको विनाशकारी बाढीबाट भएको कुल बीमा गरिएको क्षति कुल आर्थिक क्षतिभन्दा कम हुने अनुमान गरेको छ।
एएम बेस्टको ‘नेपालको विनाशकारी बाढीले कम बीमा गरिएको बजारमा दबाब’ शीर्षकको प्रतिवेदनमा यस्तो अनुमान गरिएको हो। ‘नेपालमा एसियाकै सबैभन्दा कम बीमा प्रवेश दरहरुमध्ये एक भएका कारणले गर्दा कभर गरिएको क्षतिमा अपेक्षित कमी आउनेछ’, प्रतिवेदनमा भनिएको छ।
बृहत् बजारका लागि समग्र कम तथ्यांकका बाबजुद एएम बेस्टले बीमा गरिएको क्षति विशिष्ट व्यावसायिक क्षेत्रहरुमा केन्द्रित हुने अनुमान गरेको छ। प्रमुख व्यापार मार्गहरुमा अवस्थित जलविद्युत प्लान्ट, पूर्वाधार इन्जिनियरिङ परियोजना र व्यावसायिक सम्पत्तिका लागि सबैभन्दा बढी जोखिम छ। ‘किनकि यी ठूला परियोजनामा उच्च बीमा गरिएको मूल्यहरु छन्’, एएम बेस्टले भनेको छ, ‘व्यक्तिगत बीमा कम्पनी र तिनीहरुका पुनर्बीमा साझेदारहरुले तिनीहरुको आकारको सापेक्ष ठूला दाबीको सामना गर्न सक्छन्।’
गाइरोङ सीमा क्रसिङ बन्द रहँदा सीमापार व्यापारमा ढिलाइका कारण मोटर र समुद्री कार्गो बीमा कम्पनीहरुले पनि सानातिना दाबीको सामना गर्न सक्छन्। ‘यसबाहेक, बाढीबाट प्रभावित क्षेत्रहरुमा लोकप्रिय पर्यटकीय गन्तव्य समावेश भएकाले यात्रा बीमा प्रदायकहरुले आपतकालीन चिकित्सा निकासी, यात्रा रद्द र प्रारम्भिक फिर्ता व्यवस्थाका लागि दाबीमा वृद्धि हुन सक्छ’, प्रतिवेदनमा भनिएको छन्।
स्थानीय नेपाली निर्जीवन बीमा कम्पनीहरुले विपद् जोखिमलाई भारित गर्न विश्वव्यापी बजारमा धेरै निर्भर हुने भएकाले अन्तर्राष्ट्रिय पुनर्बीमा कम्पनीहरुले कुल दाबीको ठूलो हिस्सा भुक्तानी गर्ने अनुमान एएम बेस्टको छ।
एएम बेस्टका वरिष्ठ निर्देशक र एनालिटिक्स प्रमुख भिक्टोरिया ओहोरोडनिकले भनिन्, ‘विदेशी पुनर्बीमा कम्पनीहरुले अधिकांश लागत वहन गर्नेछन्। जलविद्युत र इन्जिनियरिङ परियोजनासँग सम्बन्धित दाबीहरुको प्रगतिका लागि आगामी महिनाहरुमा नजिकबाट मूल्यांकन आवश्यक पर्नेछ।’ –एजेन्सी
