काठमाडौं । सिद्धार्थ बैंकले निष्काशन गरेको ‘१०.२५ प्रतिशत एस.बि.एल. डिबेन्चर २०८३’ नामक ऋणपत्र आगामी भदौ २५ गते परिपक्व हुने भएको छ । बैंकले एक सूचना जारी गर्दै यस्तो बताएको हो ।
बैंकले सात वर्ष अवधिको लागि प्रति इकाइ ऋणपत्र अंकित मूल्य १,००० रुपैयाँका दरले कुल २५ लाख कित्ता (२ अर्ब ५० करोड रुपैयाँ बराबरको) ऋणपत्र जारी गरेको थियो । वार्षिक १०.२५ प्रतिशत ब्याजदर कायम गरिएको यो ऋणपत्र २०७६ भदौ २६ गते बाँडफाँड भएको थियो ।
उक्त ऋणपत्र २०७६ कात्तिक ५ गते नेप्सेमा सूचीकरण भएको थियो । ऋणपत्रको अवधि आगामी भदौ २५ गते पूरा भई परिपक्व हुने जनाएको छ ।
1788433224969
