काठमाडौं । साउन ६ गतेसम्म दुई विकास बैंकले आर्थिक वर्ष २०८२।८३ को चौथो त्रैमासको वित्तीय प्रतिवेदन सार्वजनिक गरेका छन्। चौथो त्रैमासको रिपोर्ट सार्वजनिक गर्ने विकास बैंकमा कामना सेवा विकास बैंक र सांग्रिला डेभलपमेन्ट बैंक रहेका छन्।
चौथो त्रैमासको रिपोर्टअनुसार कामना सेवा विकास बैंकको वितरणयोग्य नाफा ६० करोड ११ लाख रुपैयाँ रहेको छ भने सो वितरणयोग्य नाफाका आधारमा बैंकको लाभांश क्षमता (प्रतिशेयर वितरणयोग्य मुनाफा) १५.१६ प्रतिशत रहेको छ।
त्यस्तै सांग्रिला डेभलपमेन्ट बैंकको वितरणयोग्य नाफा ४९ करोड २३ लाख रुपैयाँ रहेको छ । सो वितरणयोग्य नाफाका आधारमा बैंकको लाभांश क्षमता (प्रतिशेयर वितरणयोग्य मुनाफा) १३.१९ प्रतिशत रहेको छ।
