काठमाडौं । बुटवल पावर कम्पनीले विशेष साधारणसभा डाकेको छ।
कम्पनी सञ्चालक समितिको बैठकले यही कात्तिक २१ गते विशेष साधारणसभा आयोजना गर्ने निर्णय गरेको हो। सभा काठमाडौंको बुद्धनगरस्थित क्वालिटी बैंक्वेटमा बिहान ११ बजेबाट सुरु हुनेछ।
सभाले मुख्यगरी २ अजेन्डा पारित गर्नेछ। जसमा हिमाल पावर लिमिटेडमा रहेको Statkraft Holdings Singapore pte.ltd. र Eviny AS को सम्पूर्ण शेयर खरिद गर्ने र सो कारोबार सम्पन्न गर्न आवश्यक निर्णय गर्नका लागि सञ्चालक समितिलाई अख्तियारी प्रदान गर्ने विशेष प्रस्ताव रहेको छ।
यसैगरी सभाले काबेली इनर्जी लिमिटेडमा रहेको कम्पनीको सम्पूर्ण शेयर अरुण काबेली पावर लिमिटेडलाई बिक्री गर्ने र सो कारोबार सम्पन्न गर्नका लागि आवश्यक निर्णय गर्नका लागि सञ्चालक समितिलाई अख्तियारी प्रदान गर्ने अर्को विशेष प्रस्ताव पनि पारित गर्नेछ।
