काठमाडौं । स्वतन्त्र ऊर्जा उत्पादक सघ इप्पानका अध्यन गणेश कार्कीले निजी क्षेत्रका आयोजनाहरु समयमा नसकिने अवस्था रहेको बताएका छन्।
शनिबार नेपाल आर्थिक पत्रकार संघ (नाफिज)ले आयोजना गरेको पोस्ट बजेट छलफल कार्यक्रममा अध्यक्ष कार्कीले आईपीओ जारी गर्न नपाउँदा पुँजी अभाव भएकोले सरकारले ध्यान दिनुपर्ने बताएका हुन्। ‘ऊर्जा क्षेत्रअघि नबढ्ने हो कि भन्ने शंका छ । उत्पादन पछि मात्रै आईपीओ जारी गर्न पाउने नियमले यसमा समस्य हुने दखिएको छ । ६१ खर्ब आवश्यक पर्ने भनिएको छ । अहिले ३६५ वटा आयोजनाहरु लाइसेन्स लिएको बसेको अवस्था रहेको छ’, उनले भने।
कार्कीले ५६०० मेगावाट आयोजनाहरु लाइसेन्स बसेको र १७ हजारभन्दा बढी मेगावाट क्षमताका आयोजनाहरु रन अफ रिभरमा रहेको बताए । ‘चाहेको अवस्थामा मात्रै विद्युत किन्ने नियमले उत्पादन हुने विद्युत खपत नहुन सक्छ । खनाल आयोगको सुझाबले पनि केही समस्या रहेको छ’, उनले भने ।
