काठमाडौं । बेलायतमा दैनिक औसत ९० वटा बीमा धोकाधडीका घटना हुने गरेको खुलेको छ।
इन्स्योरेन्स कम्पनी एलियान्ज यूकेले पछिल्लो समय बीमा धोकाधडीका घटना बढ्न थालेको तथ्यांक सार्वजनिक गरेको हो। कम्पनीका अनुसार दैनिक ९० वटा बीमा धोकाधडीका घटना भइरहेका छन्। ‘यी धोकाधडी औसत मूल्य ४ लाख ३० हजार पाउन्ड (साढे ७ करोड रुपैयाँ बढी) रहेको छ’, कम्पनीले भनेको छ।
त्यसो बेलायतमा वर्ष २०२४ मा ३३ हजार २७ वटा बीमा धोकाधडीका घटना भएका छन्। त्यसबाट बीमकल १५ करोड ७२ लाख पाउन्ड (साढे २७ अर्ब रुपैयाँ बढी) क्षति व्यहोरेका छन्।
एलियान्ज यूकेका अनुसार वर्ष २०२३ को तुलनामा वर्ष २०२४ मा बीमा धोकाधडीका टना १० प्रतिशतले बढेको छ। अघिल्लो बीमा धोकाधडीबाट बीमकले १४ करोड २३ लाख पाउन्ड (२५ अर्ब ३४ करोड रुपैयाँ बढी) क्षति व्यहोरेका थिए।
बेलायतमा व्यक्तिगत, व्यावसायिक र अन्य क्षेत्रबाट फर्जी दाबीमार्फत बीमा धोकाधडीका घटना बढ्न थालेको पाइएको छ। गलत विवरणका साथ फर्जी आवेदनले बीमा क्षेत्रमा यस्ता घटना बढाएका छन्।
बेलायतमा वर्ष २०२३ को तुलनामा सम्पत्ति बीमातर्फ ३७ प्रतिशत र भइपरी आउने बीमातर्फ १७ प्रतिशतले फर्जी दाबी बढेको छ। –एजेन्सी
