काठमाडौं । अमेरिकी राष्ट्रपति डोनाल्ड ट्रम्पले शनिबार क्यानडाबाट आयात हुने सामानमा २५ प्रतिशत कर लगाउने अनुमति दिएका छन्। यसबारे क्यानडाका प्रधानमन्त्री जस्टिन ट्रुडोले प्रतिक्रिया दिएका छन्।
क्यानडाका प्रधानमन्त्री ट्रुडोले आइतबार एक पत्रकार सम्मेलनमा क्यानडाले पनि ट्रम्पले लगाएको करको जबाफमा आफ्नै शुल्क लगाउनेछ। ट्रुडोले भने, ‘म अमेरिकीहरुसँग प्रत्यक्ष कुरा गर्न चाहन्छु। यो निर्णयले मूल्य र अमेरिकी अर्थतन्त्रमा प्रत्यक्ष असर पर्नेछ।’
ट्रुडोले आफ्नो सरकारले १५५ अर्ब डलरको अमेरिकी उत्पादनमा २५ प्रतिशत कर लगाउने बताएका छन्। क्यानडाका कम्पनीहरुलाई समय दिन मंगलबारदेखि ३० अर्ब डलर मूल्यका उत्पादनमा यो महसुल लागू हुने र बाँकी १२५ अर्ब डलरका उत्पादनमा आगामी २१ दिनभित्र लागू हुने उनले बताए।
यद्यपि यो स्पष्ट छैन कि ट्रुडोले क्यानेडियन डलर वा अमेरिकी डलरका बारेमा कुरा गरिरहेका छन्। –एजेन्सी
