काठमाडौं । सोल्टी होटलले आर्थिक वर्ष २०८०।८१ का लागि घोषणा गरेको बम्पर लाभांश सुरक्षित गर्ने आज मंसिर १२ गते अन्तिम दिन रहेको छ।
लाभांश र वार्षिक साधारणसभा प्रयोजनार्थ होटलले भोलि मंसिर १३ गते बुक क्लोज गर्ने निर्णय गरेको छ। यसको अर्थ आज मंसिर १२ गतेभन्दा अघिसम्म कायम शेयरधनीहरुमात्रै यो होटलको लाभांश पाउन र सभा लिन योग्य हुनेछन्।
होटल सञ्चालक समितिले आफ्ना शेयरधनीहरुलाई चुक्तापुँजीको कुल ३६.८४ प्रतिशत वितरण गर्ने निर्णय गरेको छ। होटलले १० प्रतिशतले हुन आउने बोनस शेयर र २६.८४ प्रतिशत नगद लाभांश वितरण गर्ने निर्णय गरेको हो।
प्रस्तावित लाभांश पारित गर्न होटलले आगामी पुस ४ गते ५० औँ वार्षिक साधारणसभा आह्वान गरेको छ। सभा काठमाडौंको कमलादीस्थित नेपाल प्रज्ञा प्रतिष्ठानमा बिहान ११ बजे सुरु हुनेछ।
सोही सभाले लाभांश अनुमोदन गरेपछि शेयरधनीहरुले पाउनेछन्।
