काठमाडौं । रिलायबल नेपाल लाइफ इन्स्योरेन्सका सहायक महाप्रबन्धक दिपेश बाबु तिवारी नायब प्रमुख कार्यकारी अधिकृत पदमा बढुवा गरिएका छन् ।
सञ्चालक समितिको बैठकले तिवारीलाई बढुवा गर्ने निर्णय गरेको हो।
फाइनान्स कम्पनीबाट वित्तीय सेवा क्षेत्रमा प्रवेश गरेका तिवारीले बैंकिङ तथा वित्तीय क्षेत्रमा १६ वर्षभन्दा बढी काम गरेको अनुभवसहित कार्यकारी–एमबिए शिक्षाका साथै अर्थशास्त्रमा स्नातकोत्तर गरेका छन् । उनले विभिन्न राष्ट्रिय तथा अन्तर्राष्ट्रिय तालिम, कार्यशाला, सेमिनारमा सहभागी भइसकेका छन् र स्रोत व्यक्तिका रूपमा आमन्त्रित पनि भएका छन् ।
कम्पनीमा सहायक महाप्रबन्धकको रूपमा आवद्ध हुनु अघि तिवारी ग्लोबल आईएमई बैंक लिमिटेडमा आबद्ध थिए। उनी मुख्य रूपमा वित्तीय सञ्चालनको लागि जिम्मेवार छन्। साथै उनी पुनर्बीमा विभाग प्रमुखको जिम्मेवारीमा पनि छन् ।
