काठमाडौं । नेपाली बजारमा सुनको भाउ दैनिकजसो उछाल आउन थालेको छ। आज पनि सुनको भाउले नयाँ कीर्तिमान कायम गरेको छ।
नेपाल सुनचाँदी व्यवसायी महासंघका अनुसार आज सुनको भाउ तोलामा २ हजार रुपैयाँले बढेको छ। योसँगै प्रतितोला छापावाल सुन १ लाख ६४ हजार ४०० रुपैयाँ कायम भएको छ। यो भाउ हालसम्मकै उच्च हो।
हिजो पनि सुनको भाउ तोलामा ६०० रुपैयाँले बढेको थियो। यो दिन प्रतितोला छापावाल सुन १ लाख ६२ हजार ४०० रुपैयाँमा कारोबार भएको थियो। यो भाउ हालसम्मकै उच्च थियो। जुन रेकर्ड आज तोडिएको छ।
आज चाँदीको भाउ पनि तोलामा ३० रुपैयाँ बढेर १ हजार ९८० रुपैयाँ कायम भएको छ। यो चाँदीको हालसम्मकै उच्च भाउ हो। हिजो चाँदी तोलाको १ हजार ९५० रुपैयाँमा कारोबार भएको थियो।
