काठमाडौं । जीवन बीमक हिमालयन लाइफ इन्स्योरेन्सको मधेश प्रदेश प्रमुख आइआर सुवेदी इन्स्योरेन्सबाट बाहिरिएका छन् । साबिक यूनियन लाइफ इन्स्योरेन्सको स्थापनाकाल देखि आबद्ध सुवेदी प्राइम, गुराँस र यूनियन लाइफको मर्जरपछि जन्मिएको हिमालयन लाइफ इन्स्योरेन्समा मधेश प्रदेश प्रमुखको जिम्मेवारी सम्हाल्दै आएका थिए ।
करिब ७ वर्षसम्म जीवन बीमा व्यवसायमा काम गर्नु अघि उनी बैंकरका रूपमा सेवारत थिए । सिद्धार्थ बैंकबाट नेपाली वित्तीय क्षेत्रमा सेवा शुरू गरेका सुवेदीले ग्लोबल आईएमई बैंकका विभिन्न शाखाको महत्वपूर्ण जिम्मेवारी सम्हाले । ग्लोबल आईएमई बैंकको भारतस्थित सम्पर्क कार्यालयको प्रमुखको रुपमा समेत काम गर्ने अवसर पाए ।
अध्ययन अध्यापनमा समेत रूची राख्ने सुवेदीले अहिले भारतीय विश्व विद्यालयबाट ‘नेपाली जीवन बीमा उद्योगको दिगो भविष्यका लागि समसामयीक जीवन बीमा उत्पादनको खोज’ विषयमा विद्यावारिधि उपाधीका लागि सोध गरिरहेका छन् । उनी यूरो एक्जिम बैंक नेपालको लागि व्यापार वित्त परामर्शदाता र भारतको मंगलायतन विश्वविद्यालयका सद्भावना दूत समेत हुन्।
