काठमाडौं । शेयर बजार बुधबार दोहोरो अंकले घटेको छ। नेप्से परिसूचक २६.०७ अंकले घटेर २५९७.४९ को विन्दुमा बन्द भएको छ।
बजार घट्दा १८७ कम्पनीको शेयरभाउ ओरालो लागेको छ भने ५४ कम्पनीको मात्रै बढेको छ। आज ३ कम्पनीको शेयरभाउ स्थिर रहेको छ।
आज वित्त समूहबाहेक अन्य सबै समूहमा रातो पोतिएको छ। वित्त समूह १.७५ प्रतिशतले बढेको छ।
बजारमा आज ६ अर्ब ७७ करोड ८१ लाख रुपैयाँ बढीको कारोबार भएको छ। सर्वाधिक कारोबार नेपाल फाइनान्सको भएको छ।
आज उच्च कारोबार भएका १० कम्पनी
- नेपाल फाइनान्सः २० करोड ७१ लाख रुपैयाँ
- हिमालयन रिइन्स्योरेन्सः १७ करोड ३१ लाख रुपैयाँ
- गुडविल फाइनान्सः १५ करोड ९६ लाख रुपैयाँ
- नेपाल बैंकः १५ करोड २७ लाख रुपैयाँ
- शिवम सिमेन्टः १३ करोड ७५ लाख रुपैयाँ
- सीईडीबी हाइड्रोपावरः १३ करोड २५ लाख रुपैयाँ
- सानिमा माई हाइड्रोपावरः १२ करोड २० लाख रुपैयाँ
- एचआईडीसीएलपीः ११ करोड ९० लाख रुपैयाँ
- एनआरएन इन्फ्रास्ट्रक्चरः ११ करोड ८ लाख रुपैयाँ
- एनएलजी इन्स्योरेन्सः १० करोड ९३ लाख रुपैयाँ
