काठमाडौं । शेयर बजार मंगलबार पनि घटेको छ। आज नेप्से परिसूचक १३.०९ अंकले घटेर २६३२.९४ को विन्दुमा बन्द भएको छ।
दोहोरो अंकले बजार घट्दा ११ वटा उपसमूहमा रातो पोतिएको छ भने व्यापार समूह बढेको छ। आज होटेल तथा पर्यटन समूह स्थिर रहेको छ।
बजार घट्दा ६७ कम्पनीको शेयरभाउ बढेको छ भने १७० कम्पनीको घटेको छ। आज ८ कम्पनीको शेयरभाउ स्थिर रहेको छ। बजारमा आज करिब सवा ७ अर्ब रुपैयाँको कारोबार भएको छ।
आज मानुषी लघुवित्त र थ्रीस्टार हाइड्रोपावरका शेयरधनीहरु मालामाल भए। यी दुवै कम्पनीको शेयरभाउमा सकारात्मक सर्किट लागेको छ।
यसैगरी अप्पर सांगे हाइड्रोपावरको शेयरभाउ पनि ७.५४ प्रतिशतले बढेको छ।
