काठमाडौं । भारतीय जीवन बीमा निगम (एलआईसी) ले हिन्दुस्तान कपरको २.०९ प्रतिशत शेयर भारु ४४७ करोडमा खुला बजार कारोबारमार्फत बेचेको छ।
भारतको सबैभन्दा ठूलो सार्वजनिक बीमा कम्पनी एलआईसीले सोमबार शेयर बजारलाई यो जानकारी दिएको हो । एलआईसीले खुला बजार कारोबारमार्फत हिन्दुस्तान कपरको कुल २ करोड १ लाख ६२ हजार ६८२ कित्ता शेयर बिक्री गरेको हो।सार्वजनिक क्षेत्रको कम्पनी हिन्दुस्तान कपरको शेयर औसत प्रतिशेयर भारु २२१.६४ मा बिक्री भएको छ । यसरी सम्झौताको कुल मूल्य भारु ४४६.८ करोड रुपैयाँ रहेको छ।
यो शेयर बिक्रीपछि हिन्दुस्तान कपरमा अब एलआईसीको हिस्सेदारी ८.१७ प्रतिशतबाट घटेर ६.०९ प्रतिशतमा झरेको छ।
हिन्दुस्तान कपर खानी मन्त्रालयअन्तर्गत पर्छ। यो भारतमा तामाको खानीमा संलग्न एकमात्र कम्पनी हो। यसबाहेक यो भारतमा प्रशोधित तामाको एक मात्र उत्पादक पनि हो। –एजेन्सी
