काठमाडौं । शेयर बजार ३००० माथि उक्लिएको छ। कारोबार खुलेको १८ मिनेटमै ४४ अंकले बढेर बजार परिसूचक नेप्से ३००१.७६ को विन्दुमा उक्लिएको हो।
आज बजार खुलेदेखि बढिरहेको छ। कारोबार पनि उत्साहजनक देखिएको छ। यो समाचार तयार पार्दासम्म पौने ३ अर्ब रुपैयाँ बढीको कारोबार भइसकेको छ।
अहिलेसम्म ३ वटा उपसमूहबाहेक अन्य ११ वटा उपसमूहमा हरियाली छाएको छ। अहिले बैंकिङ समूहमा सर्वाधिक चमक देखिएको छ।
अहिलेसम्म १७० कम्पनीको शेयरभाउ बढ्दा ६५ वटाको घटेको छ भने ६ वटा स्थिर रहेका छन्। अहिलेसम्म अपी पावरको सर्वाधिक कारोबार भइरहेको छ। अपी पावरको १३ करोड ६९ लाख रुपैयाँ बढीको शेयर किनबेच भइसकेको छ।
