काठमाडौं । भारतीय जीवन बीमा निगम (एलआईसी) ले युवाका लागि ४ नयाँ बीमा योजना ल्याएको छ। ती योजनाको नाम युवा टर्म, डिजी टर्म, युवा क्रेडिट लाइफ र डिजी क्रेडिट लाइफ हो।
ती योजना अगस्ट ५ देखि लागू भएका छन्। एलआईसीले प्रेस विज्ञप्तिमा भनेको छ, ‘बीमितले एजेन्टमार्फत युवा टर्म प्लान किन्न सक्नेछन्, जब कि डिजी टर्म प्लान अनलाइन मात्र खरिद गर्न सकिन्छ। यी योजनाहरुको उद्देश्य युवाहरुलाई जीवन बीमाको विकल्प उपलब्ध गराउनु हो । ता कि उनीहरु आफ्नो जीवनको प्रारम्भिक चरणमा सुरक्षित रहन सकून्।’
एलआईसीको युवा टर्म र डिजी टर्म प्लानहरुमा बीमितले कुनै बोनस वा लाभ पाउनुहुने छैन। तर, यदि बीमितको दुर्भाग्यवश मृत्यु भयो भने परिवारले पैसा पाउँछ। यो योजना १८ देखि ४५ वर्ष बीचका व्यक्तिले लिन सक्छन्। यो योजना ३३ वर्षदेखि ७५ वर्षसम्म लिन सकिन्छ।
बीमितले न्यूनतम भारु. ५० लाख र अधिकतम भारु ५ करोडको बीमा लिन सक्छन्। केही अवस्थामा बीमा योभन्दा बढी हुन सक्छ।
बीमितले यो योजनामा अधिक बीमा लिएमा केही छुट पाउनेछन्। साथै, महिलाले कम प्रिमियम तिर्नुपर्नेछ।
यदि बीमितले प्रत्येक वर्ष वा केही वर्षका लागि प्रिमियम तिरेमा बीमितको मृत्युमा परिवारले वार्षिक प्रिमियमको सात गुणा वा कुल भुक्तानीको १०५ प्रतिशत वा बीमा रकम जुन बढी हुन्छ, प्राप्त गर्नेछन्। यदि बीमितले एकै चोटि सम्पूर्ण प्रिमियम भुक्तान गरेमा बीमितको मृत्युमा परिवारले भुक्तान गरिएको प्रिमियमको १२५ प्रतिशत वा बीमा रकम जुन बढी हुन्छ, प्राप्त गर्नेछ।
एलआईसीको युवा क्रेडिट लाइफ र डिजी क्रेडिट लाइफ योजना पनि बीमितले कुनै बोनस वा लाभ पाउने छैनन्। तर, यदि बीमितको दुर्भाग्यवश मृत्यु भयो भने परिवारले पैसा पाउँछ। विशेष कुरा यो छ कि यदि यो योजनाअन्तर्गत बीमितको मृत्यु भयो भने बीमितले पाउने रकम क्रमशः कम हुँदै जान्छ। उदाहरणका लागि मानौँ कुनै व्यक्तिले भारु ५० लाखको बीमा लिएको छ। यदि उसको सुरुमै मृत्यु भयो भने परिवारले पूरै ५० लाख रुपैयाँ पाउनेछ । तर, पछि बीमितो मृत्यु भयो भने परिवारले अलि कम पैसा पाउनेछ।
यो योजना १८ देखि ४५ वर्ष बीचका व्यक्तिले पनि लिन सक्छन्। बीमितले यो योजना २३ वर्षदेखि ७५ वर्षसम्म लिन सक्नेछन्। यसको यो उमेर अघि वा पछि हुने मृत्यु यस पोलिसीमा समावेश गरिने छैन।
यस योजनामा बीमितले न्यूनतम भारु ५० लाख र अधिकतम भारु ५ करोडको बीमा लिन सक्छन्। यदि बीमितले अधिक बीमा लिएकोमा केही छुट पाउनेछन्। साथै, महिलाहरुले कम प्रिमियम तिर्नुपर्नेछ।
यस योजनामा ब्याजदर आफैँ छनौट गर्न सक्नेछन्। यदि बीमितको मृत्यु भयो भने परिवारले बीमा रकम प्राप्त गर्नेछ तर यो रकम क्रमशः घट्दै जान्छ।
