काठमाडौं । मौद्रिक नीति सकारात्मक आएसँगै साताको पहिलो कारोबार दिन आइतबार शेयर बजारमा खुलेको २ मिनेटमै माथिल्लो सर्किट लागेको छ। योसँगै शेयर कारोबार २० मिनेटका लागि स्थगित गरिएको छ।
नेप्से परिसूचक ४ प्रतिशतले बढेर २६७०.८२ को विन्दुमा उक्लिएको छ। बजार १०२.८२ अंकले बढेको हो।
दुई मिनेटमै बजारमा २७ करोड २० लाख रुपैयाँबराबरको कारोबार भएको छ।
अहिलेसम्म नेपाल फाइनान्सको उच्च कारोबार भएको देखिएको छ भने ५ वटा कम्पनीको शेयरभाउमा पोजिटिभ सर्किट लागेको छ।
नेप्से उपसमूह सबैमा हरियाली छाउँदा २०६ कम्पनीको शेयरभाउ बढेको छ।
