काठमाडौं । साताको अन्तिम कारोबार दिन शुक्रबार पनि सुनको भाउ ओरालो लागेको छ।
नेपाल सुनचाँदी व्यवसायी महासंघका अनुसार आज सुनको भाउ तोलामा ३०० रुपैयाँले घटेको छ। योसँगै प्रतितोला छापावाल सुन १ लाख ४४ हजार ७०० रुपैयाँ र तेजाबी सुन १ लाख ४४ हजार रुपैयाँ कायम भएको छ।
हिजो बिहीबार पनि सुनको भाउ तोलामा २ हजार ४०० रुपैयाँले घटेको थियो। यो दिन प्रतितोला तापावाल सुन १ लाख ४५ हजार रुपैयाँ र तेजाबी सुन १ लाख ४४ हजार ३०० रुपैयाँमा किनबेच भएको थियो।
आज चाँदीको भाउ तोलामा २० रुपैयाँले घटेर १ हजार ७३० रुपैयाँ कायम भएको छ। हिजो तोलामा ५५ रुपैयाँले घटेर चाँदी १ हजार ७५० रुपैयाँमा कारोबार भएको थियो।
