काठमाडौं । यो साता सुनको भाउ तोलामा २ हजार ७०० रुपैयाँले बढेको छ।
यो साताको सुनको भाउ ४ दिन बढ्यो भने १ दिन स्थिर रहेको छ। आज अन्तिम कारोबार दिन शुक्रबार भने सुनको भाउ घटेको छ।
यही साताको सुनको भाउ दैनिकजसो नयाँ कीर्तिमान पनि बनाएको छ। गत मंसिर ११ गते सुनको भाउ १ लाख १७ हजार ४०० रुपैयाँ थियो। सुनको यो भाउले गत कात्तिक १३ रेकर्ड ब्रेक गर्दै नयाँ कीर्तिमान बनाएको थियो। तर, भोलिपल्टै मंसिर १२ पुनः सुनको भाउ नयाँ कीर्तिमान बनाउँदै तोलाको १ लाख १७ हजार ७०० रुपैयाँको उचाइमा पुगेको थियो।
सुनको भाउले फेरि गत मंसिर १३ गते नयाँ रेकर्ड कायम गर्यो। यो दिन सुनको भाउ तोलाकै १ लाख १९ हजार ३०० रुपैयाँ पुग्यो। हिजो बिहीबार (मंसिर १४ गते पनि सुनको भाउ स्थिर रहँदै तोलाको १ लाख १९ हजार ३०० रुपैयाँमा कारोबार भएको थियो।
आज शुक्रबार (मंसिर १५ गते) भनेको तोलामा ३०० रुपैयाँले घटेर प्रतितोला छापाला सुन १ लाख १९ हजार रुपैयाँ र तेजाबी सुन १ लाख १८ हजार ४५० रुपैयाँ कायम भएको छ।
आज चाँदीको भाउ भने तोलामा २० रुपैयाँले बढेर १ हजार ५४० रुपैयाँमा कायम भएको छ। चाँदीको यो भाउ हालसम्मकै उच्च हो। हिजो भाउ स्थिर रहँदै चाँदी १ हजार ५२० रुपैयाँमा कारोबार भएको थियो।
