आज उच्च कारोबार गर्ने शीर्ष १० मा ५ बीमा कम्पनी, कसको कति किनबेच ?

काठमाडौं । विद्युत आपूर्ति बन्द भएर प्राणाली सुचारु नहुँदा करिब ३० घन्टा ढिलो खुलेको शेयर बजार आज १७.९३ अंकले ओरालो लागेको छ। बजार १८७६.६० झरेर बन्द भएको छ। दोहोरो अंकले घटेको बजारमा आज १ अर्ब १ करोड रुपैयाँबराबरको कारोबार भएको छ। सूचीकृत २८५ कम्पनीका ३३ लाख ५९ हजार ६०१ कित्ता शेयर किनबेच भएका छन्।

घटेको बजारमा उच्च कारोबार गर्ने शीर्ष १० कम्पनीमा ५ वटा बीमा कम्पनी छन्। सोनापुर मिनरल्सले सर्वाधिक कारोबार गरेको दिन बीमा कम्पनीमध्ये सिटिजन लाइफ, रिलायबल नेपाल लाइफ, आइएमई लाइफ, सानिमा जीआईसी र सन नेपाल लाइफ पनि उच्च कारोबार गर्ने शीर्ष १० कम्पनीभित्र पर्न सफल भएका छन्।