काठमाडौं । आज पनि शेयर बजारमा हरियाली छाएको छ । आज नेप्से परिसूचक ११ दशलमव २२ अंकले बढेर १,८५८ दशमलव ७६ को विन्दुमा कायम भएको छ । आज १४४ कम्पनीको शेयर मुल्य बढेको छ भने ८३ कम्पनीको शेयर मुल्य घटेको छ । आज निर्जीवन बीमा उपसूचक बाहेक सबै उपसूचक बढेका छन् ।
आज ९९ करोड ६५ लाख ८६ हजार रुपैयाँको शेयर कारोबार हुँदा सबैभन्दा धेरै हिमालयन बैंकको संस्थापक शेयर कारोबार भएको छ । आज बैंकको ९ करोड १६ लाख रुपैयाँ संस्थापक शेयर कारोबार भएको छ । माछापुच्छ्रे बैंकको ६ करोड ३८ लाख रुपैयाँको शेयर कारोबार भएको छ । सोनापुर मिनरल्सको ५ करोड ९२ लाख रुपैयाँको शेयर कारोबार भएको छ ।
