काठमाडौं । शिवम् होल्डिङग्स लिमिटेडले सर्वसाधारणमा आइपीओ निष्काशन गर्ने भएको छ । असोज २५ गते बसेको कम्पनीको सञ्चालक समितिको बैठकले आइपीओ निष्काशन लगायत अन्य विविध प्रस्ताव पारितका लागि दोस्रो वार्षिक साधारण सभा गर्ने निर्णय गरेको हो ।
सभा कार्तिक २२ गते कम्पनीको कार्यालय अनामनगर, काठमाडौंमा उक्त दिन बिहान ११ बजे गर्ने निर्णय कम्पनीले गरेको हो । कम्पनीले प्रिमियम मूल्यमा सर्वसाधारणका लागि १ करोड १६ लाख कित्ता आइपीओ निष्काशन गर्ने भएको हो । सभाले आगामी दिनमा आइपीओ निष्काशनका लागि आवश्यक सम्पूर्ण कामको जिम्मेवारी सञ्चालक समितिलाई दिने निर्णय पनि पारित गर्नेछ ।
गत आर्थिक वर्ष २०७९/८० को मुनाफाबाट हाल कायम चुक्ता पूँजी ४ अर्ब ३६ करोड रुपैयाँको आधारमा ४ प्रतिशत नगद लाभांश वितरणको प्रस्ताव पनि सभाबाट पारित गर्नेछ । हाल सञ्चालकको संख्या ७ जना रहेकोमा सोलाई घटाई ५ जना कायम गर्ने निर्णय पनि सभाले पारित गर्नेछ ।
