काठमाडौं । मंगलवार नेपाल स्टक एक्सचेञ्जमा सानिमा माई हाइड्रोपावरको शेयर मूल्य समायोजन भएको छ । साधारण सभा तथा लाभांश वितरण प्रयोजनार्थ कम्पनीले बुकक्लोज गरेसँगै नेप्सेले शेयर मूल्य समायोजन गरी नयाँ मूल्य निर्धारण गरेको हो ।
नेप्सेले कम्पनीको १० प्रतिशत बोनस शेयर समायोजन गरेको हो । समायोजनपश्चात कम्पनीको शेयरमूल्य २९७ रुपैयाँ २७ पैसा कायम भएको छ । मंगलवार दोस्रो बजारमा कम्पनीको शेयर मूल्य प्रतिकित्ता ३२७ रुपैयाँमा अन्तिम कारोबार भएको थियो । नेप्सेले मंगलवार कारोबार दिनको अन्तिम मूल्यका आधारमा यस कम्पनीको शेयरमूल्य समायोजन गरेको हो ।
