काठमाडौं । आज मंगलबार पनि सुन चाँदीको भाउ घटेको छ । हिजो सोमबार प्रतितोला १ लाख ७ हजार ९ सय रुपैयाँमा कारोबार भएको छापावाल सुन आज तोलामा १ हजार ३ सय रुपैयाँले घटेर १ लाख ६ हजार ६ सय रुपैयाँमा कारोबार भएको नेपाल सुन चाँदी व्यवसायी महासंघले जनाएको छ ।
आज तेजावी सुन पनि प्रति तोला १ हजार ३ सय रुपैयाँले घटेर १ लाख ६ हजार १ सय रुपैयाँमा कारोबार भएको छ । चाँदीको भाउ भने तोलामा ३० रुपैयाँ घटेर प्रतितोला १ हजार ३ सय १० रुपैयाँमा कारोबार भइरहेको छ ।
गत साताको मंगलबारदेखि घटेको सुनको भाउमा आजसम्म पनि गिरावट नै कायम भएको हो । एक सातामा सुनको भाउ ५ हजार ६ सय रुपैयाँ घटेको छ ।
