काठमाडौं । यस साता नेप्से परिसूचक १ दशमलव २५ प्रतिशतले घटेको छ । अघिल्लो साता १ प्रतिशतले बढेको बजार यस साता भने घटेको हो । असोज १० गते अन्तिम दिन नेप्से परिसूचक १८ दशमलव ६० अंकले घटेर २००४ दशलमव ३ को विन्दुमा कायम भएको छ भने अधिल्लो साता नेप्से परिसूचक ४४ अंकले बढेर २०२९ दशमलव ७८ को विन्दुमा कायम भएको थियो । यस साता माइक्रोफाइनान्सको शेयरमा लगानीकर्ता आकर्षित भएको देखिन्छ । गत साताको तुलनामा माइक्रो उपसूचक सामान्य ० दशलमव ७५ प्रतिशतले बृद्धि भएको छ ।
गत साताको तुलनामा यस साता ३ उपसूचक सामान्य बढेका छन् भने बाँकी सबै उपसूचक घटेका छन् । गत साताको तुलनामा यस साता हाइड्रोपावर उपसूचक ० दशलमव ६२ प्रतिशतले बढेको छ । म्युचुअल फण्ड उपसूचक ० दशलमव ५३ प्रतिशतले बढेको छ ।
त्यस्तै, गत साताको तुलनामा यस साता बैंकिङ उपसूचक १ दशलमव २५ प्रतिशतले घटेको छ । विकास बैंक उपसूचक २ दशलमव ६० प्रतिशतले घटेको छ । फाइनान्स उपसूचक २ दशलमव ०८ प्रतिशतले घटेको छ । होटल्स एण्ड टुरिजम उपसूचक ३ दशलमव ३२ प्रतिशतले घटेको छ ।
त्यसैगरी इन्भेष्टमेन्ट उपसूचक २ दशलमव ६८ प्रतिशतले घटेको छ । लाइफ इन्स्योरेन्स उपसूचक १ दशलमव ७७ प्रतिशतले घटेको छ । उत्पादनमुलक एण्ड प्रोग्रेशिभ उपसूचक १ दशलमव ७० प्रतिशतले घटेको छ । निर्जीवन बीमा उपसूचक २ दशलमव ३५ प्रतिशतले घटेको छ । अन्य उपसूचक १ दशमलव ७८ प्रतिशतले घटेको छ भने ट्रेडिङ उपसूचक २ दशमलव ५० प्रतिशतले घटेको छ ।
