काठमाडों । नेपाल रिपब्लिक मिडियाले कार्तिक ३ गते शुक्रबार साधारण सभा आह्वान गरेको छ । उक्त सभा जडिबुटी इन्द्रेनी ब्याङक्वेटमा १०ः३० बजे आयोजना गर्ने जनाएको छ । कम्पनीको असोज ११ गते बसेको संचालक समितिको बैठकले उक्त सभाको मिति तय गरेको हो ।
सभामा आर्थिक वर्ष २०७९/८० को संचालक समितिको प्रतिवेदन उपर छलफल गरी पारित गर्ने, आर्थिक वर्ष २०७९/०८० को लेखापरीक्षकको प्रतिवेदन र अनुसूची सहितको वित्तिय विवरणहरु उपर छलफल गरि सो लाई पारित गर्ने, कम्पनी ऐन २०६३ को दफा १११ अनुसार आ।व। २०८०/०८१ को लागि लेखापरीक्षक नियुक्त गर्ने र निजको पारिश्रमिक निर्धारण गर्ने प्रस्ताव पेश हुने छ।
त्यस्तै साधारणसभाले कम्पनीको नियमावली बमोजिम सर्वसाधारण शेयरधनीहरुको तर्फबाट संचालक समितिमा प्रतिनिधित्व गर्ने एक जना संचालकको निर्वाचन गर्ने छ।
कम्पनीले साधारणसभा प्रयोजनको लागि असोज २१ गते बुक क्लोज गर्ने निर्णय गरेको छ । असोज २० गतेसम्म कायम शेयरधनीले मात्र सभामा भाग लिन सक्ने छन् ।
