काठमाडौं । आज आइतवार नेपाल स्टक एक्सचेन्ज नेप्सेमा मनकामना इन्जिनियरिङ्ग हाइड्रोपावर लिमिटेडको आइपीओ सूचिकृत भएको छ । कम्पनीको ८० लाख कित्ता आइपीओ सूचिकृत भएको हो ।कम्पनीको स्टक सिम्बोल एमईएचएल रहेको छ ।
कम्पनीलाई ७४ रुपैयाँदेखि देखि २२२ रुपैयाँ ओपन रेञ्ज तोकिदिएको छ । यही मूल्य रेञ्जको आधारमा कम्पनीको शेयर धितोपत्रको दोस्रो बजारमा भोलि अर्थात सोमवार देखि कारोबारमा आउनेछ । कम्पनीले सर्वसाधारण ,वैदेशिक रोजगारीमा रहेका नेपाली,सामूहिक लगानी कोष, स्थानिय बासिन्दा र कर्मचारीहरुको लागि निष्काशन गरेको २८ लाख कित्ता र कम्पनीका संस्थापक शेयरधनीहरुले लगानी गरेको ५२ लाख कित्ता गरेर कुल ८० लाख कित्ता साधारण शेयर सूचिकृत गराएको हो ।
कम्पनीले शेयर सूचिकरण पश्चात दिनुपर्ने आरटिएस सेवा ग्लोबल आइएमई क्यापिटल नक्सालबाट हुने जनाएको छ ।
