काठमाडौं । आज साताको दोस्रो दिन पनि शेयर बजारमा हरियाली छाएको छ । हिजो पनि दोहोरो अंकले बढेको बजार आज भने ४४ दशमलव ३० अंकले बढेर १,९८६ दशमलव ९९ को विन्दुमा कायम भएको छ । आज सबै उपसूचक बढेको छ ।
आज २१२ कम्पनीको शेयर मुल्यमा बृद्धि भएको छ भने ११ कम्पनीको शेयर मुल्य घटेको छ । आज २७८ कम्पनीको ४७ लाख ४२ हजार ५११ कित्ता शेयर किनबेच हुँदा १ अर्ब ५१ करोड ८३ लाख रुपैयाँको शेयर कारोबार भएको छ । आज सबैभनदा धेरै साल्ट ट्रेडिङको कारोबार भएको छ । आज यस कम्पनीको ६ करोड २५ लाख रुपैयाँको शेयर कारोबार भएको छ ।
त्यस्तै, एभरेष्ट बैंकको ५ करोड ७१ लाख रुपैयाँको शेयर कारोबार भएको छ । सोल्टी होटलको ५ करोड २४ लाख रुपैयाँको शेयर कारोबार भएको छ । चिलिमे हाइड्रोपावर कम्पनीको ५ करोड २३ लाख रुपैयाँको शेयर कारोबार भएको छ ।
आज सबैभन्दा धेरै थ्री स्टार हाइड्रोपावर कम्पनीक ालगानीकर्ताले कमाएका छन् । आज यस कम्पनीका लगानीकर्ताले ९ दशमलव ९८ प्रतिशतका दरले कमाएका छन् । मच्छियाम हाइड्रोपावर कम्पनीका लगानीकर्ताले ९ दशलमव ९७ प्रतिशतका दरले कमाएका छन् । सिद्धार्थ प्रिमियर इन्स्योरेन्स कम्पनीका लगानीकर्ताले ९ दशलमव ८७ प्रतिशतका दरले कमाएका छन् ।
