काठमाडौं । आज पनि शेयर बजारमा दोहोरो अंकको गिरावट आएको छ । आज शेयर बजार नेप्से परिसूचक २० दशमलव ३१ अंकले घटेर २,०२५ दशमलव १२ को विन्दुमा कायम भएको छ । आज ३४ कम्पनीको शेयर मुल्य बढेको छ भने आज १८५ कम्पनीको शेयर मुल्य घटेको छ । हिजो पनि घटेको बजारमा आज पनि गिरावट नै कायम भएको हो ।
आज १ अर्ब ६७ करोड ९९ लाख रुपैयाँको शेयर कारोबार हुँदा सबैभन्दा धेरै हिमालयन डिष्टिलरीको शेयर कारोबार भएको छ । आज कम्पनीको ८ करोड ४१ लाख रुपैयाँको शेयर कारोबार भएको छ ।
त्यस्तै, शिवम् सिमेन्टको ७ करोड १४ लाख रुपैयाँको शेयर कारोबार भएको छ । आइएमई लाइफको ५ करोड ९६ लाख रुपैयाँको शेयर कारोबार भएको छ । सोल्टी होटलको ५ करोड ९४ लाख रुपैयाँको शेयर कारोबार भएको छ ।
