काठमाडौं । लगानीकर्ताहरुले फेरि आन्दोलन गर्ने घोषणा गरेका छन् । भोलि साउन ३२ बिहीबार लगानीकर्ता तिलक कोइरालाको नेतृत्वमा नेपाल धितोपत्र बोर्ड घेराउ गर्ने भएका हुन् । लगानीकर्ताहरुले पूँजी बजारमा संकटमाथि संकट थप्ने धितोपत्र बोर्डका पदाधिकारी विरुद्ध प्रदर्शन गर्ने जनाएका छन् ।
‘पूँजी बजार ध्वस्त गर्ने षडयन्त्र विरुद्ध भोलि धितोपत्र बोर्ड, खुमलटार ठप्प पार्न जाऔं, विहान ठीक १० बजे, कोही नछुटौं, नत्र बर्बाद भनेर लगानीकर्ता कोइरालाले आफ्नो फेसबुक मार्फत स्ट्याटस लेखेका छन् ।
उनले भनेका छन् पूँजी बजार बचाउन फेरि मैदानमा नउत्रिई भएन, भोलि १० बजे सबै लगानीकर्ताहरु धितोपत्र बोर्डको कार्यालय खुमलटारमा भेला हौं । नत्र पूँजी बजार डुब्छ, के साना, के ठूला के संस्थागत सबैको लगानी खरानी हुनसक्छ
