काठमाडौं । नेपाल धितोपत्र बोर्डले थप तीन वटा ब्रोकर कम्पनीलाई धितोपत्र सदस्य दलाल व्यवसायी अनुमतिपत्र दिएको छ । लाईसेन्स प्राप्त गर्ने ब्रोकर कम्पनीहरुमा जेबिएन सेक्युरिटिज, आरबिबि सेक्युरिटिज र सिविआईएल सेक्युरिटिज रहेका छन् ।
यीसँगै सेबोनबाट नयाँ ब्रोकर लाइसेन्स पाउने कम्पनीको संख्या ३२ पुगेको छ। यसअघि २९ वटा नयाँ कम्पनीले सेबोनबाट ब्रोकर लाइसेन्स पाइसकेका छन्।
यसअघि सेबोनले ४३ कम्पनीहरुलाई ब्रोकर लाइसेन्सका लागि आशयपत्र दिएको थियो । अब ११ वटा कम्पनी ब्रोकर लाइसेन्सको पर्खाइमा छन्।