काठमाडौं । नेपाल धितोपत्र बोर्डका अध्यक्ष रमेशकुमार हमालले ब्रोकर कम्पनीहरु लगानीकर्ताप्रति जबाफदेही हुनुपर्ने बताएका छन् । धितोपत्र ब्रोकर एसोसिएसन नेपालले आज काठमाडौंमा नयाँ ब्रोकर कम्पनीहरुको स्वागत गर्ने कार्यक्रममा उनले लगानीकर्ताप्रति जवाफदेही र जिम्मेवार भएर काम गर्नुपर्ने बताएका हुन् ।
उनले भने ब्रोकरहरुले लगानीकर्ताहरुको कारोबार सेटलमेन्टलाई सहज बनाउनुपर्छ । सबै ब्रोकर कम्पनीहरुबीच प्रतिष्पर्धा हुनुपर्छ तर, स्वच्छ ढंगको प्रतिस्पर्धा हुनुपर्ने उनको भनाई छ । ब्रोकरहरुले टेक्नोलोजी मार्फत आफुलाइृ सक्षम बनाएर जिम्मेवार ढङगबाट अगाडी बढ्न सके मात्रै लगानीकर्ताको विश्वस र भरोसा जित्न सकिन्छ’, उनले भने।
उनले भने बजारको अझै द्रुत विकास गर्नका लागि बोर्डले धेरै प्रयास गर्नुपर्नेछ । जसका लागि हामीले हाम्रो नीति तथा कार्यक्रम मार्फत पनि धेरै कुराहरु समावेश गरेका छौं । मेरो कार्यकाल थोरै छ, मैले राखेका नीतिहरुमा मैले समय दिइरहेको छु । नले भने, अझै सक्दो प्रयास गर्नेछु।
‘पीईभीसी, स्टार्टअप कम्पनी, एसएमई प्लेटफर्मका लागि नयाँ नियमावली आउँछ’, उनले भने, ‘नियमावलीको मस्यौदा तयार गरी स्वीकृतिका लागि अर्थ मन्त्रालयमा पठाइएको छ।’
