काठमाडौं । सिडीएससी एण्ड क्लियरिङ लिमिटेडले लगानीकर्तालाई डिम्याट खाता नवीकरण गर्न आग्रह गरेको छ । सिडीएससीले डिम्याट खाताको वार्षिक नविकरण शुल्क बुझाउन लगानीकर्ताहरुलाई आग्रह गरेको हो ।
लगानीकर्ताले आफ्नो डिम्याट खाताको वार्षिक शुल्क प्रत्येक आर्थिक वर्ष समाप्त हुनु अगाबै आफ्नो निक्षेप सदस्यलाई बुझाउनु पर्ने व्यवस्था रहेको छ । सोहि व्यवस्था अनुसार शुल्क नबुझाउने लगानीकर्ताको हितग्राही खाता निक्षेप सदस्यले रोक्का राख्न सक्ने सिडिएससीले जनाएको छ ।
खाता रोक्का भएका कारणले इडिआईएस हुन नसकी क्लोज आउटमा पर्न सक्ने भएकोले डिम्याट खाता नवीकरण गर्न सिडिएससीले आग्रह गरेको हो ।
डिम्याट खाता पनि लगानीकर्ताहरुले मेरो शेयर मार्फत नै नवीकरण गर्न सकिने भएपनि मेरो शेयर मात्रै नवीकरण गर्ने गरेको पाइएको सिडिएससी जनाएको छ । डिम्याट खाता नवीकरण नगरेका लगानीकर्ताहरुको मेरो शेयर समेत २०८० भदौ १५ गतेदेखि रोक्का राख्ने समेत सिडिएससीले जनाएको छ ।
