काठमाडौं । आज पनि शेयर बजारले सुधारको गति लिन सकेन् । हिजो पनि घटेको शेयर बजार आज पनि नेप्से परिसूचक ८ दशमलव ११ अंकले घटेर २,१५६ दशमलव २० को विन्दुमा कायम भएको छ । आज ६७ कम्पनीको शेयर मुल्य बढेको छ भने १४१ कम्पनीको शेयर मुल्य घटेको छ ।
आज दिनभरिमा २६० वटा कम्पनीको ७३ लाख ९९ हजार ४७४ कित्ता शेयर किनबेच हुँदा २ अर्ब ४३ करोड २५ लाख रुपैयाँको शेयर कारोबार भएको छ । आज सबैभन्दा धेरै ग्लोबल आईएमई बैंकको १५ करोड १२ लाख रुपैयाँ संस्थापक शेयर किनबेच भएको छ ।
त्यस्तै, शिवम् सिमेन्टको ९ करोड ४९ लाख रुपैयाँको शेयर कारोबार भएको छ । नेपाल पुनर्बीमा कम्पनीको ८ करोडमाथि शेयर कारोबार भएको छ । हिमालयन लाइफको ६ करोड ९७ लाख रुपैयाँको शेयर कारोबार भएको छ । यस कम्पनीको शेयर मुल्य ४८७ रुपैयाँ कायम भएको छ ।
आज सबैभन्दा धेरै किसान लघुवित्त वित्तीय संस्थाका लगानीकर्ताले कमाएका छन् । आज यस कम्पनीका लगानीकर्ताले ६ दशमलव ९६ प्रतिशतका दरले कमाएका हुन् । ग्रिन डेभलपमेन्ट बैंकका लगानीकर्ताले ६ दशमलव ५८ प्रतिशतका दरले कमाएका छन् । बराही हाइड्रोपावर कम्पनीका लगानीकर्ताले ३ प्रशिततका दरले कमाएका छन् ।
आज सबैभन्दा धेरै जाल्पा सामुदायिक लघुवित्त वित्तीय संस्थाका लगानीकर्ताले गुमाएका छन् । आज यस कम्पनीका लगानीकर्ताले ६ दशमलव ४९ प्रशिततका दरले गुमाएका हुन् ।
