काठमाडौं । नेपालमा हाल १३ हजार १३९ वटा मिडिया सञ्चालनमा रहेका छन् । राष्ट्रिय सभामा छलफलको क्रममा सञ्चार तथा सूचना प्रविधिमन्त्री रेखा शर्माले नेपालमा सञ्चालनमा रहेका पत्रपत्रिका, अनलाइन, रेडियो र टेलिभिजनको संख्या प्रस्तुत गरेकी हुन् ।
मन्त्री शर्माका अनुसार देशभर हाल २४२ वटा टेलिभिजन नियमित रुपमा प्रसारणमा रहेको छ । यसैगरी देशका विभिन्न भागमा ९२८ वटा एफएम रेडियो सञ्चालन भइरहेको छ ।
यसैगरी ७ हजार ९७१ वटा पत्रपत्रिका दर्ता भई सञ्चालनमा रहेको छ भने नेपालमा सञ्चालनमा आएको अनलाइन मिडियाको संख्या भने ३ हजार ९९० वटा रहेको मन्त्री शर्माको भनाई छ ।
